අණනොතකා පලාගිය වෑන් රථයකට පොලිසියෙන් වෙඩි, සැකකරුවෙකු සහ පොලිස් නිලධාරියෙකුට තුවාල..
පොලිස් අණනොතකා පලාගිය වෑන් රථයකට කුරුණෑගල පොලිස්ථානයේ නිලධාරීන් විසින් වෙඩිතබා ඇති අතර ඉන් තුවාල ලැබූ එක් පුද්ගලයෙකු රෝහල් ගතකර ඇති බව වාර්තා වේ. මෙම සිදුවීමේදී පොලිස් නිලධාරියෙකුද තුවාල ලබා ප්‍රතිකාර සදහා කුරුණෑගල රෝහලට ඇතුළත් කර තිබේ. පිලීකඩ ප්‍රදේශයේ සිදුකරන ලද මත්ද්‍රව්‍ය වැටලීමක් අතරතුරදී සැකකරුවන් පළායාමට උත්සාහ කර ඇති අතර එහිදී පොලිස් නිලධාරීන් වෙඩි ප්‍රහාරයක් එල්ල කර ඇත.
