කුලියාපිටිය – කොළඹ පුද්ගලික බස් රථ සේවකයින් වර්ජනයක..
කුලියාපිටිය – කොළඹ පුද්ගලික බස් රථ සේවකයින් මේ වන විට වැඩ වර්ජනයක් ආරම්භ කර ඇති බව වාර්තා වේ.කාර්යාල ප්‍රවාහන සේවා සිදුකරන බව පවසමින් මෙම මාර්ගයට බස් රථ 18 ක් එක්කිරීම සම්බන්ධයෙන් විරෝධය පළකරමින් මෙම වර්ජනයක් දියත් කළ බව හලාවත මගී ප්‍රවාහන සමාගම අනාවරණය කර සිටියි. වෙනත් මාර්ග වලද මෙවැනි ප්‍රවාහන සේවා ආරම්භ කර ඇති බවත් මෙම තත්ත්වය හේතුවෙන් තම බස් සදහා මගින් නොමැති වී, දැඩි අපහසුතාවයට පත්ව ඇති බවත් මේ සම්බන්ධයෙන් සාධාරණ විසදුමක් ලබාදීමට බලධාරීන් කටයුතු නොකළහොත් ඉදිරියේදී වෙනත් බස් සමාගම් හා එක්ව දැවැන්ත වර්ජනයක් දියත් කරන බවත් හලාවත මගී ප්‍රවාහන සමාගමය වැඩිදුරටත් අනාවරණය කර සිටියි.
