බස් ගාස්තු ඉහළ දැමීම හෝ ඉන්ධන සහනාධාරයක් ලබාදීම, මුදල් අමාත්‍යාංශය සමඟ සාකච්ඡා කළයුතුයි – ප්‍රවාහන අමාත්‍යාංශය
බස් ගාස්තු ඉහළ දැමීම හෝ පොදු ප්‍රවාහනය සදහා ඉන්ධන සහනාධාරයක් ලබාදීම පිළිබදව මුදල් අමාත්‍යාංශය සමඟ සාකච්ඡා කළයුතුව ඇතිබව ප්‍රවාහන අමාත්‍යාංශය අනාවරණය කර සිටියි. මිල සූත්‍රය අනුව ඉන්ධන මිල ඉහළ යාම නිසා බස් ගාස්තු 5% කින් ඉහළ දැමිය යුතු බව ජාතික ගමනා ගමන කොමිෂන් සභාව පවසා සිටින අතර බස් ගාස්තු 10% කින් ඉහළ නැංවිය යුතුයැයි බස් සංගම් අවධාරණය කර සිටියි. කෙසේ වෙතත් ප්‍රවාහන අමාත්‍යාංශය පවසා සිටින්නේ මේ සම්බන්ධයෙන් මුදල් අමාත්‍යාංශය සමග සාකච්ඡා කර තීරණයකට එළඹිය යුතුව ඇති බවයි.
