ආරක්ෂාව ප‍්‍රමාණවත් නෑ, දූෂණ විරෝධී බලකායේ මෙහෙයුම් අධ්‍යක්‍ෂ නාමල් කුමාර පදිංචි ප‍්‍රදේශය අතහැර යාමට තීරණය කරයි..?
තමන් හට ලබාදී ඇති පොලිස් ආරක්ෂාව ප‍්‍රමාණවත් නොවන බැවින් පදිංචි ප‍්‍රදේශය අතහැර යාමට දූෂණ විරෝධී බලකායේ මෙහෙයුම් අධ්‍යක්‍ෂ නාමල් කුමාර මහතා තීරණය කර ඇති බව වාර්තා වේ.ජනාධිපතිවරයා සහ හිටපු ආරක්ෂක ලේකම් ගෝඨාභය රාජපක්ෂ මහතා ඝාතනය කිරීමේ සැලසුමකට නියෝජ්‍ය පොලිස්පති නාලක ද සිල්වා මහතාගේ සම්බන්ධතාවයක් පවතින බවට මහත් ආන්දෝලනාත්මක හෙළිදරව්වක් සිදුකිරීම නිසා මේ වන විට නාමල් කුමාර මහතා රට තුළ දැඩි අවධානයකට පත්ව ඇති අතර මෙම හෙළිදරව්ව හේතුවෙන් තමන් හට ජීවිත තර්ජනයක් ඇති බවද ඔහු විසින් මීට පෙර පවසන ලදී.
