පාන් රුපියල් 5 කින් පහතට..
පාන් මිල රුපියල් 5 කින් පහත දැමීමට තීරණය කළ බව සමස්ත ලංකා බේකරි හිමියන්ගේ සංගමය පවසා සිටියි. පසුගිය දා තිරිගු මිල ඉහළ දැමීමත් සමග රුපියල් 55 කට අලෙවි කරන ලද පාන් ගෙඩියක් රුපියල් 5 කින් ඉහළ දමා රුපියල් 60 කට අලෙවි කිරීමට පාන් නිෂ්පාදකයින් කටයුතු කරන ලදී. කෙසේවෙතත් පාරිභෝගික කටයුතු පිළිබද අමාත්‍ය රිෂාඩ් බදියුදීන් මහතා සහ සමස්ත ලංකා බේකරි හිමියන්ගේ සංගමය අතර පැවති විශේෂ සාකච්ඡාවකදී පැරණි මිලටම තිරිගු පිටි ලබාදීමට අමාත්‍යවරයා එකගවීම හේතුවෙන් මෙම තීරණයට එළඹි බව එම සංගමය වැඩිදුරටත් පවසා සිටියි.
