ඥානසාර හිමිගේ දඩුවමට එරෙහි අභියාචනාව ඔක්තෝම්බර් 05 තෙක් කල්යයි..
බොදු බල සේනා සංවිධානයේ මහ ලේකම් පූජ්ය ගලගොඩඅත්තේ ඥානසාර හිමියන්ට ලබාදී ඇති සිර දඩුවමට එරෙහිව ඉදිරිපත් කර ඇති අභියාචනාව සලකා බැලීම ඔක්තෝම්බර් මස 05 වනදා තෙක් කල්තැබීමට ශ්රේෂ්ඨාධිකරණය අද (28) නියෝග කරන ලදී. අධිකරණයට අපහාස කළ බවට චෝදනා කරමින් පූජ්ය ගලගොඩඅත්තේ ඥානසාර හිමියන්ට වසර හයක සිරදඬුවමක් නියම කරන ලද අතර අදාළ දඩුවම අත්හිටුවන ලෙස ඉල්ලා මීට පෙර අභියාචනාධිකරණය වෙත ඉදිරිපත් කරන ලද ඉල්ලීම ප්රතික්ෂේප කරන ලද බැවින් ශ්රේෂ්ඨාධිකරණය වෙත යළි ඉල්ලීමක් කර ඇත.