අයහපත් කාලගුණයෙන් දිස්ත්‍රික්ක 13 කට බලපෑම්..
දිවයිනට බලපා ඇති අයහපත් කාලගුණ තත්ත්වය, මේ වන විට දිස්ත්‍රික්ක 13 කට බලපෑම් එල්ල කර ඇති බව ආපදා කළමනාකරණ මධ්‍යස්ථානය අනාවරණය කර සිටියි. මෙම තත්ත්වය හමුවේ පවුල් 12,478 කට අයත් පුද්ගලයින් 48,918 දෙනෙකු පීඩාවට පත්ව ඇති බවත් ආපදා කළමනාකරණ මධ්‍යස්ථානය තවදුරටත් පවසා සිටියි. මෙම කාලගුණ තත්ත්වය, කළුතර, කොළඹ, ගාල්ල සහ පුත්තලම යන දිස්ත්‍රික්කවලට දැඩි බලපෑමක එල්ල කර ඇති අතර මේ වන විට පුද්ගලයින් නව දෙනෙකු මියගොස් තවත් එක් පුද්ගලයෙකු අතුරුදහන්ව ඇති බවද වාර්තා වේ.
