රොනී ලීච් මහතාගේ දේහය හෙට ශ්‍රී ලංකාවට, අවසන් කටයුතු අනිද්දා ගල්කිස්සේදී..
හෘදයාබාධයක් හේතුවෙන් ඕස්ටේ‍්‍රලියාවේදී හදිසියේ අභාවප‍්‍රාප්තවූ ජනපි‍්‍රය ගායක සහ රංගන ශිල්පී රොනී ලීච් මහතාගේ දේහය හෙට (10) සවස මෙරටට රැගෙන ඒමට නියමිතව ඇති බව වාර්තා වේ. ඒ අනුව දේහය හෙට සවස 6.30 සිට අනිද්දා (11) දහවල් 02.00 දක්වා බොරැල්ලේ පුද්ගලික මල් ශාලාවක තැන්පත් කරන බවත් එදින සවස දේහය ගල්කිස්ස ක්‍රයිස්ට් චර්ච් දේවස්ථානයට රැගෙන ගොස් එහිදී දේව මෙහෙයක් පවත්වා අවසන් කටයුතු ගල්කිස්ස පොදු සුසාන භූමියෙදී සිදුකරන බව ශී‍්‍ර ලංකා ගායක ගායිකා සංගමය පවසා සිටියි.
