අදින් පසු වැසි තත්ත්වයේ අඩුවක්..
දිවයිනට බලපා ඇති අයහපත් වැසි තත්ත්වය අද (11) සිට පහළ යනු ඇතැයි කාලගුණ විද්‍යා දෙපාර්තමේන්තුව අනාවරණය කර සිටියි. බෙංගාල බොක්ක ආශ්‍රිත මුහුදු ප්‍රදේශයේ පවතින සුළිකුණාටුව ඉන්දියාව දෙසට යනු ඇති බවත් ඒ හේතුවෙන් මෙරටට බලපා ඇති වැසි සහිත අයහපත් කාලගුණය අද දිනෙන් පසු පහව යනු ඇති බවද එම ආරංචි මාර්ග තවදුරටත් පවසා සිටියි. කෙසේවෙතත් මධ්‍යම, දකුණු සහ ඌව පළාත්වලට සහ කළුතර සහ රත්නපුර දිස්ත්‍රික්කවල ප්‍රදේශ කිහිපයක වැසි ඇති විය හැකි බවද කාලගුණ විද්‍යා දෙපාර්තමේන්තුව පවසා සිටියි.
