දැඩි පීඩාකාරී ජීවිතයක් ගෙවන වතු කම්කරුවන්ගේ ගැටළු මෙතෙක් විසදී නෑ, 23 වනදා ජ.වි.පෙ විරෝධතාවයට සහය දෙනවා – සමස්ත ලංකා වතු කම්කරුවන්ගේ සංගමය
දැඩි පීඩාකාරී ජීවිතයක් ගෙවන වතු කම්කරුවන් මුහුණ දී ඇති ගැටඵ සදහා කඩිනම් විසදුම් ලබාදෙන බව වතු හාම්පුතුන් ඇතුළු වතු සමාගම් විසින් පවසා සිටියද මෙතෙක් එවැන්නක් සිදුව නොමැති බවත් වතු හාම්පුතුන් ඇතුළු වතු බලධාරීන් සිය සමාගම් වල දියුණුව පමණක් මූලික අරමුණ කරගනිමින් කටයුතු කරන බවත් සමස්ත ලංකා වතු කම්කරුවන්ගේ සංගමය අවධාරණය කර සිටියි. ඊයේ (16) කොළඹදී පැවති මාධ්‍ය හමුවකදී සමස්ත ලංකා වතු කම්කරුවන්ගේ සංගමයේ ලේකම් ජේ.එම්.ඒ ප්‍රේමරත්න මහතා විසින් මෙම අදහස් පළකරන ලදී.
වතු කම්කරුවන් මේ වන විට දැඩි අවදානම් සහගත ජීවන රටාවකට උරුමකම් කියන බැවින් මෙරට රාජ්‍ය සේවකයින් වෙත ලබාදෙන අවම වැටුප හෝ ඔවුන්ට ලබාදීමට කටයුතු කරන්නැයි බලධාරීන්ගෙන් ඉල්ලා සිටින බවත් මේ සම්බන්ධයෙන් විරෝධය පළකරමින් ලබන 23 වනදා ජනතා විමුක්ති පෙරමුණ විසින් කොළඹදී පැවැත්වීමට නියමිතව ඇති විරෝධතාවයට සිය සංගමය සහය පළකරන බවද ජේ.එම්.ඒ ප්‍රේමරත්න මහතා වැඩිදුරටත් පවසා සිටින ලදී. ්‍
මෙම මාධ්‍ය හමුව සදහා සමස්ත ලංකා වතු කම්කරුවන්ගේ සංගමයේ සභාපති කේ. සෙල්වරාජ් මහතා ද සහභාගි විය.
