සතොස මුදල් වංචා කිරීම, සාක්ෂි පරස්පර නිසා ජොන්ස්ටන් නිදොස් කොට නිදහස්..
සතොස ආයතනය සතු මුදල් අවභාවිතා කළ බවට චෝදනා එල්ල කරමින් බන්ධනාගාරගත කර සිටි හිටපු අමාත්‍ය, පාර්ලිමේන්තු මන්ත‍්‍රී ජොන්ස්ටන් ප‍්‍රනාන්දු මහතා නිදොස් කොට නිදහස් කරන ලෙස අධිකරණය නියෝග කර ඇත. පැමිණිල්ලේ සාක්ෂි පරස්පර විරෝධී බැවින් අදාළ චෝදනාව සම්බන්ධයෙන් වන නඩුව විභාගයට ගනිමින් කුරුණෑගල මහාධිකරණය විසින් අද (17) මෙම නියෝගය ලබාදී තිබේ. ඒ අනුව අදාළ චෝදනාව සම්බන්ධයෙන් විත්තිකරුවන් වූ පාර්ලිමේන්තු මන්ත‍්‍රීවරයා ඇතුළු තිදෙනෙකු නිදොස් කොට නිදහස් කර ඇත. සතොස ආයතනය සතු රුපියල් පනස් දෙලක්ෂයකට අධික මුදලක් වංචා කළ බවට චෝදනා කරමින් අත්අඩංගුවට පත් ජොන්ස්ටන් ප‍්‍රනාන්දු මහතා ඇතුළු තිදෙනා මාසයකට වැඩි කාලයක් බන්ධනාගාරගතව සිටින ලදී.
