තලවකැලේ නිවාස ව්‍යාපෘතියක් කොත්මලේ ජලාශයට නායයාමේ අවදානමක්..
තලවකැලේ නිවාස ව්‍යාපෘතියක් කොත්මලේ ජලාශයට නායයාමේ අවදානමක් පවතින බව වාර්තා වේ. කොත්මලේ, වනිගසේකර පෙදෙසේ නගර සභා නිවාස ව්‍යාපෘතිය මෙසේ නායයාමේ අවදානමකට ලක්ව ඇති අතර මෙම තත්ත්වය විරෝධය පළකරමින් එම නිවාස යෝජනා ක්‍රමයේ පදිංචිකරුවන් අද (20) තලවකැලේ නගරයේදී විරෝධතාවයක්ද පවත්වා ඇත. ඉහළ කොත්මලේ ජලාශයේ ඉදිකිරීම් කටයුතුවලදී වනිගසේකර පෙදෙසේ පිහිටි ජලාශ මායිමේ ආරක්ෂිත පැති බැම්මක් ඉදි නොකිරිමෙන් මෙවැනි තත්ත්වයක් උද්ගතව ඇති බව එම පදිංචි කරුවන් පවසා සිටියි.
