ජල ගාස්තු ළගදීම ඉහළට..?
නිෂ්පාදන පිරිවැය විශාල ලෙස ඉහළ යාම නිසා ජල ගාස්තු වැඩිකිරීමට සිදුවනු ඇතැයි ජාතික ජල සම්පාදන හා ජලාපවහන මණ්ඩලය අවධාරණය කර සිටියි. අවසන් වරට ජල ගාස්තු ඉහළදමා ඇත්තේ 2012 වසරේදී වන අතර පිරිපහදු කිරීම සඳහා ජල ඒකකයකට රුපියල් 47 ක මුදලක් වැය වන නමුත් පාරිභෝගිකයාට ජල ඒකකයක් රුපියල් 12 ක් වැනි සහනදායි මිලකට ලබාදෙන බවත් එම ආරංචි මාර්ග වැඩිදුරටත් පවසා සිටියි. ජල ගාස්තු වැඩිකිරීම සදහා මේ වන විට අමාත්‍ය මණ්ඩල අනුමැතිය ඉල්ලා ඇති බවත් ඒ අනුව අදාළ ගාස්තු වැඩිකිරීම ඉදිරියේදී සිදුකරන බවත් ජල සම්පාදන මණ්ඩලය වැඩිදුරටත් පවසා සිටියි.
