එංගලන්ත සමග විස්සයි විස්සේ නායකත්වය තිසරට, රංගන හේරත් පිටියට සමුදෙයි..
සංචාරක එංගලන්ත පිල සමග ලබන 27 වන දා පැවැත්වීමට නියමිතව ඇති විස්සයි විස්ස තරගයේදී ශ්‍රී ලංකා කණ්ඩායම මෙහෙයවීමේ වගකීම තිසර පෙරේරා හට පවරා ඇති බව වාර්තා වේ. තරගය කොළඹ ආර්. ප්‍රේමදාස ක්‍රීඩාංගණයේදී පැවැත්වීමට කටයුතු යොදා ඇත. මේ අතර තමන් ක්‍රිකට් ක්‍රීඩාවෙන් සමුගන්නා බව මෙරට සුපිරි වමත් දඟ පන්දු යවන ක්‍රීඩක රංගන හේරත් පවසා සිටියි. ඒ අනුව සංචාරක එංගලන්තය සමග ගාල්ලේදී පැවැත්වෙන පළමු ටෙස්ට් තරගයෙන් පසුව රංගන හේරත් ක්‍රිකට් ක්‍රීඩාවෙන් සමුගැනීමට නියමිතව ඇත. රංගන හේරත් සිය තීරණය මේ වන විට ක්‍රිකට් පාලක මණ්ඩලයට දැනුම් දී ඇති බවද වාර්තා වේ.
