පක්ෂ කිහිපයක් සහ කතානායකවරයා අතර හමුවක්..
පාර්ලිමේන්තුව වහාම කැඳවන්නැයි පක්ෂ කිහිපයක් විසින් කරන ලද ඉල්ලීම සම්බන්ධයෙන් සාකච්ඡා කිරීම සදහා කථානායක කරූ ජයසූරිය මහතා සහ දේශපාලන පක්ෂ කිහිපයක් අතර අද (02) විශේෂ හමුවක් පැවැත්වීමට නියමිතව ඇති බව වාර්තා වේ. අද උදෑසන කාලයේ පාර්ලිමේන්තු පරිශ්රයේදී මෙම හමුව පැවැත්වීමට නියමිතව ඇත. එක්සත් ජාතික පක්ෂය, ඉලංගෙයි තමිල් අරුසුකච්චි, ජනතා විමුක්ති පෙරමුණ සහ ශ්රී ලංකා මුස්ලිම් කොංග්රසය යන පක්ෂ විසින් පාර්ලිමේන්තුව වහාම කැඳවන්නැයි කතානායකවරයාගෙන් ඉල්ලීමක් කර ඇති අතර ඒ සම්බන්ධයෙන් කතානායකවරයාගේ ස්ථාවරය මෙම හමුවේදී පළකෙරෙනු ඇත.