මාර්ග කිහිපයක දුම්රිය ධාවනයට බාධා..
මහව සන්ධියේ සිට කොළඹ කොටුව බලා ධාවනය වෙමින් පැවති කාර්යාල දුම්රිය ඇතිවූ කාර්මික දෝෂයක් හේතුවෙන් ප්රධාන මාර්ගයේ දුම්රිය ධාවනයට බාධා එල්ලවී ඇති බව වාර්තා වේ. එමෙන්ම කොට්ටාව සහ හෝමාගම අතරදී දුම්රියක් කාර්මික දෝෂයකට ලක්වීම නිසා කැළණිවැලි දුම්රිය මාර්ගයේ දුම්රිය ධාවනයටද බාධා එල්ල වී ඇති බව දුම්රිය පාලක මැදිරිය අනාවරණය කර සිටියි. ඊයේ (05) රාත්රි කාලයේ පස්කන්දක් කඩාවැටීම නිසා උඩරට දුම්රිය මාර්ගයේ දුම්රිය ධාවනයටද බාධා එල්ලවී තිබේ. හීල්ඔය සහ ඇල්ල අතර ප්රදේශයේ දී මෙම පස්කන්ද කඩා වැටී ඇත. මේ අනුව උඩරට මාර්ගයේ දුම්රිය ධාවනය බණ්ඩාරවෙල දුම්රිය ස්ථානය තෙක් පමණක් සීමා කර තිබේ.