පාර්ලිමේන්තුව විසුරුවයි, මැතිවරණය ජනවාරි 05..
විශේෂ ගැසට් නිවේදනයක් නිකුත් කරමින් ජනාධිපතිවරයා විසින් ඊයේ (09) රාත්‍රියේදී පාර්ලිමේන්තුව විසුරුවා හරින ලදී. ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 33 වන ව්‍යවස්ථාවේ (2)(ඇ) අනු ව්‍යවස්ථාව සහ ආණ්ඩුක්‍රම ව්‍යවස්ථාවේ 62 වන ව්‍යවස්ථාවේ (2) වන අනු ව්‍යවස්ථාව මෙන්ම ආණ්ඩුක්‍රම ව්‍යවස්ථාවේ 70 වන ව්‍යවස්ථාවේ (5) වන අනු ව්‍යවස්ථාව යටතේ පැවරී ඇති බලතල අනුව ජනාධිපතිවරයා විසින් මෙම පියවර ගෙන ඇත. ඊයේ නිකුත් කරන ලද මෙම විශේෂ ගැසට් නිවේදනයට අනුව නව පාර්ලිමේන්තුව 2019.01.17 වන දින කැඳවීමට නියමිතව ඇත. එමෙන්ම මහා මැතිවරණය 2019.01.05 වන දින පැවැත්වෙන බවද එම ගැසට් නිවේදනයෙහි තවදුරටත් සදහන්ය. 2018.11.19 දින සිට 26 වන දින දහවල් 12 දක්වාවූ කාලය තුළ මහා මැතිවරණය සදහා නාමයෝජනා භාරගැනීමද සිදුකෙරෙනු ඇත.
