කොළඹ අවට ප්‍රදේශ කිහිපයකට වතුර නෑ..
කොළඹ අවට ප්‍රදේශ කිහිපයකට අද (10) දිනය තුළ ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව දෙහිවල – ගල්කිස්ස, රත්මලාන, සොයිසාපුර, කොළඹ 06, මුල්ලේරියාව සහ පැලවත්ත යන ප්‍රදේශයන්ට අද සවස 04.00 තෙක් ජලය සැපයීම අත්හිටුවනු ඇත. අඹතලේ ජල පවිත්‍රාගාරයේ සිට දෙහිවල තෙක් ජලය සැපයෙන ජල මාර්ගයේ නඩත්තුවක් හේතුවෙන් මෙසේ ජලසැපයුම අත්හිටුවන බව එම ආරංචි මාර්ග වැඩිදුරටත් පවසා සිටියි.
