දුම්රිය වර්ජනයක් අත ළඟ..?
දුම්රිය රියදුරෙකුගේ රාජකාරියට බාධා කිරීම සම්බන්ධයෙන් ඊට අදාළ මගීන්ට ද එරෙහිව නීතිමය පියවර නොගෙන එම දුම්රිය රියදුරුවරයාට එරෙහිව පමණක් නීතිමය පියවර ගැනීමට දැඩි විරෝධය පළකරන බව දුම්රිය එන්ජින් රියදුරන්ගේ සංගමය පවසා සිටියි. එම සංගමය වැඩිදුරටත් පවසා සිටින්නේ දුම්රිය රියදුරාගේ රාජකාරියට බාධාකළ අදාළ මගීන්ටද එරෙහිව කටයුතු නොකළහොත් දැඩි වෘත්තීය සමිති ක්රියාමාර්ගයකට එළඹීමට සිදුවනු ඇති බවයි. දුම්රිය එන්ජින් මැදිරියකදී දුම්රිය රියදුරෙකු විසින් මගියෙකුට පරුෂ වචනයෙන් බැණ වැදීම සම්බන්ධයෙන් වන වීඩියෝවක් සමාජ ජාල මාධ්ය තුළ ප්රචාරය වීමෙන් අනතුරුව එම දුම්රිය රියදුරුවරයාගේ වැඩ තහනමට ලක්කර තිබේ.