ලක්ෂ 12 ක් වටිනා මත්පෙති සමග තිදෙනෙක් මිනුවන්ගොඩදී පොලිස් දැලේ..
ලක්ෂ 12 කට අධික වටිනාකමින් යුත් මත්පෙති තොගයක් සමග සැකකරුවන් තිදෙනෙකු මිනුවන්ගොඩ නගරයේදී ඊයේ (16) පොලිස් අත්අඩංගුවට පත්ව ඇති බව වාර්තා වේ. ට්‍රැමඩෝල් (ඇපල්) නමින් හැදින්වෙන මත්පෙති 4008 ක් සමග අදාළ පුද්ගලයින් තිදෙනා මිනුවන්ගොඩ පොලිස් ස්ථානයේ නිලධාරීන් විසින් අත්අඩංගුවට ගෙන ඇති අතර එම සැකකරුවන් වයස අවුරුදු 22, 37 සහ 48 යන වයස්වල පසුවන බව එම ආරංචි මාර්ග පවසා සිටියි. රාගම සහ කොටුගොඩ යන ප්‍රදේශවල පදිංචිකරුවන් වන එම පිරිස අද (17) මිනුවන්ගොඩ මහේස්ත්‍රාත් අධිකරණයට ඉදිරිපත් කිරීමට නියමිතව ඇත.
