සමස්ත ලංකා පාරිභෝගික අධිකාරී විමර්ශන නිලධාරීන් අද සිට වර්ජනයක ..
ක්ෂේත්‍ර හා වැටලීම් රාජකාරීවලින් ඉවත් වීමට සමස්ත ලංකා පාරිභෝගික අධිකාරී විමර්ශන නිලධාරීන්ගේ සංගමය අද (04) දිනයේ සිට තීරණය කර ඇත. එහි ලේකම් ලංකා දික්කුඹුර මහතා සඳහන් කළේ කෑගල්ල දිස්ත්‍රික්කයේ විමර්ශන නිලධාරීන්ට වෙළෙඳසැල් හිමියෙකු විසින් සිදුකළ පහරදීමකට විරෝධය පල කරමින් මෙම වෘත්තීය සමිති ක්‍රියාමාර්ගය දියත් කරන බවයි. අදාළ පහරදීමේදී විමර්ශන නිලධාරියෙකු තුවාල ලබා කෑගල්ල රෝහලේ ප්‍රතිකාර ලබමින් සිටියදි පහරදුන් වෙළෙදසැල් හිමිකරු ඇප මත මුදාහැරීමට අධිකරණය කටයුතු කර ඇති බව ලංකා දික්කුඹුර මහතා පවසයි. එම සිද්ධියේදී පාරිභෝගික කටයුතු පිළිබඳ අධිකාරියේ ක්‍රියාකලාපය හෙලා දකින අතර එයට විරෝධය පල කරමින් අද දිනයේ සිට ක්ෂේත්‍ර හා වැටලීම් රාජකාරීවලින් ඉවත් වන බව සමස්ත ලංකා පාරිභෝගික අධිකාරියේ විමර්ශන නිලධාරීන්ගේ සංගමය පවසයි.
