මැතිවරණයක් ඉල්ලා පැවිදි හඬ පාරට බසී…
ජනතා හඩට ඇහුම්කම්දී කඩිනමින් මහ මැතිවරණයක් පවත්වන ලෙස බල කරමින් පැවිදි හඬ සංවිධානය ඊයේ (04) දින කොළඹ, නාරාහේන්පිට අභයාරාම විහාරස්ථානය අසලින් රිය පෙරහැරක් ආරම්භ කළේය. මෙම රථ පෙරහර වැල්ලවත්ත, මොරටුව, පානදුර, වාද්දුව, කළුතර, බේරුවල සහ අම්බලන්ගොඩ නගර හරහා ගමන් කරමින් සීනිගම දේවාලයට ළඟාවී සීනිගම දේවාලයේදී දේව කන්නලව්වක ද නිරත විය. පැවිදි හඬ සංවිධානය ඇතුළු සංවිධාන කිහිපයක් එක්ව සංවිධානය කරනු ලැබූ මෙම රථ පෙරහර සදහා එම සංවිධිනයේ සභාපති මුරුත්තෙට්ටුවේ ආනන්ද හිමි, එම සංවිධානයේම ජාතික සංවිධායක ඉත්තෑකන්දේ සද්ධාතිස්ස හිමි,කොළඹ දිස්ත්රික් පාර්ලිමේන්තු මන්ත්රී ගාමිණී ලොකුගේ මහතා ඇතුළු පිරිසක් මෙම අවස්ථාව සදහා සහභාගී විය.