හෙරොයින් සමග සැකකරුවන් දෙදෙනෙක් ස්ථාන දෙකකදී අත්අඩංගුවට..
හෙරොයින් සන්තකයේ තබාගෙන සිටි පුද්ගලයින් දෙදෙනෙකු ප්‍රදේශ දෙකකදී අත්අඩංගුවට ගෙන ඇති බව පොලිස් ආරංචි මාර්ග අනාවරණය කර සිටියි.ඒ අනුව හෙරොයින් ග්‍රෑම් 10 ක් සන්තකයේ තබාගෙන සිට එක් පුද්ගලයෙකු මොරටුව, අඟුලාන ප්‍රදේශයේදී අත්අඩංගුවට ගෙන ඇත. අදාළ සැකකරු අඟුලාන ප්‍රදේශයේ පදිංචි 40 හැවිරිදි අයෙකු වන අතර අනෙක් පුද්ගලයා හෙරොයින් ග්‍රෑම් 03 යි මිලි ග්‍රෑම් 603 ක් සමඟ කඳාන ප්‍රදේශයේදී අත්අඩංගුවට පත්ව තිබේ. මෙම සැකකරුවන් අධිකරණයට ඉදිරිපත් කිරීමට නියමිතව ඇති බව පොලිස් ආරංචි මාර්ග වැඩිදුරටත් පවසා සිටියි.
