රුපියල් ලක්‍ෂ 60 කට අධික වටිනාකමකින් යුත් හෙරොයින් සමග සැකකරුවෙකු අත්අඩංගුවට..
ග‍්‍රෑම් 500 යි මිලිග‍්‍රෑම් 504 ක හෙරොයින් තොගයක් සමග සැකකරුවෙකු අත්අඩංගුවට ගැනීමට පොලිස් මත්ද්‍රව්‍ය කාර්යාංශයේ නිලධාරීන්ට හැකිවී ඇත. කැළණිය, වරාගොඩ පාරේදී සිදුකරන ලද විශේෂ වැටලීමකදී මෙම සැකකරු අත්අඩංගුවට ගෙන ඇති අතර එම හෙරොයින් තොගයේ වටිනාකම රුපියල් ලක්‍ෂ 60 කට අධික වන බව පොලිස් ආරංචි මාර්ග අනාවරණය කර සිටියි. කැළණිය, සල්මල් උයන ප‍්‍රදේශයේ පදිංචි 27 හැවිරිදි සැකකරු අධිකරණයට ඉදිරිපත් කිරීමට නියමිතව ඇත.
