ලිට්රෝ ගෑස් සමාගමට අයත් මුදල් සාවද්ය ලෙස පරිහරණය කිරීම, හිටපු ජනාධිපති කාර්ය මණ්ඩල ප්රධානී ගාමිණී සෙනරත්ට එරෙහි නඩුව යළි කල්යයි..
ලිට්රෝ ගෑස් සමාගමට අයත් මුදල් සාවද්ය ලෙස පරිහරණය කරන ලද බවට චෝදනා කරමින් හිටපු ජනාධිපති කාර්ය මණ්ඩල ප්රධානී ගාමිණී සෙනරත් මහතාට එරෙහි නඩුව ලබන ජනවාරි 13 වනදා තෙක් කල්තැබීමට අධිකරණය විසින් අද නියෝග කරන ලදී. නීතිපතිවරයා විසින් ගොනු කරන ලද අදාළ නඩුව විභාගයට ගත් කොළඹ ත්රිපුද්ගල විශේෂ මහාධිකරණය විසින් අද (13) මෙම නියෝගය ලබාදෙන ලදී. ලිට්රෝ ගෑස් සමාගමට අයත් බව පැවසෙන රුපියල් මිලියන 500 ක මුදලක් සාවද්ය ලෙස පරිහරණය කළ බවට චෝදනා කරමින් හිටපු ජනාධිපති කාර්ය මණ්ඩල ප්රධානී ගාමිණී සෙනරත් මහතා ඇතුළු සිව් දෙනෙකුට එරෙහිව මෙම නඩුව ගොනු කර තිබේ.