මහින්දගේ පෙත්සම අද සලකා බලයි..
තමන් ඇතුළු අමාත්‍ය මණ්ඩලයට සිය තනතුරුවල කටයුතු කිරීම වළක්වාලමින් පනවන ලද අතුරු තහනම් නියෝගය ඉවත් කරන්නැයි ඉල්ලා හිටපු ජනාධිපති මහින්ද රාජපක්‍ෂ මහතා ඇතුළු පිරිසක් විසින් ගොනු කරන ලද පෙත්සම ශ්‍රේෂ්ඨාධිකරණයේදී අද (14) සලකා බැලීමට නියමිතව ඇත. නීතිමය ප්‍රතිපාදනයන්ගෙන් බැහැරව අභියාචනාධිකරණය විසින් අදාළ අතුරු තහනම් නියෝගය ලබාදී ඇති බැවින් එම නියෝගය ඉවත දමන්නැයි ඉල්ලා ඇති මෙම පෙත්සමෙහි වගඋත්තරකරුවන් ලෙස එක්සත් ජාතික පක්‍ෂ නායක රනිල් වික‍්‍රමසිංහ මහතා ඇතුළු පාර්ලිමේන්තු මන්තී‍්‍රවරුන් 122 ක් නම් කර ඇත.
