මහින්දගේ පෙත්සමට පූර්ණ විනිසුරු මඩුල්ලක් පත්කරන්නැයි රනිල් පාර්ශවයේ ඉල්ලීම ප්රතික්ෂේපයි..
තමන් ඇතුළු අමාත්ය මණ්ඩලයට සිය තනතුරුවල කටයුතු කිරීම වළක්වාලමින් පනවන ලද අතුරු තහනම් නියෝගය ඉවත් කරන්නැයි ඉල්ලා හිටපු ජනාධිපති මහින්ද රාජපක්ෂ මහතා ඇතුළු පිරිසක් විසින් ගොනු කරන ලද පෙත්සම විභාගය සදහා පූර්ණ විනිසුරු මඩුල්ලක් පත්කරන්නැයි එක්සත් ජාතික පක්ෂය ප්රමුඛ පාර්ශවයන් විසින් කරන ලද ඉල්ලීම ශ්රේෂ්ඨාධිකරණය විසින් ප්රතික්ෂේප කර ඇති බව වාර්තා වේ. මහින්ද රාජපක්ෂ මහතා ඇතුළු පිරිස විසින් ඉදිරිපත් කරන ලද පෙත්සම අද (14) පෙරවරුවේ ඊවා වනසුන්දර, බුවනෙක අලූවිහාරේ සහ විජිත් මලල්ගොඩ යන විනිසුරුවන් ඉදිරියේදී විභාගයට ගැනීම ආරම්භ විය.