ඉන්ධන මිල පහලට …
පසුගිය ඔක්තෝබර් 26 වනදා වන විට ඇ.ඩො.58 වු බොරතෙල් බැරලයක මිල ගණන් දෙසැම්බර් 21 වන විට ඇ.ඩො.52 දක්වා අඩු වීමත් හේතුකොටගෙන ඉන්ධන මිල සූත්‍රයට අනුව ඊයේ (10) මධ්‍යම රාත්‍රියේ සිට පෙට්‍රල් සහ ඔටෝ ඩීසල් ලීටරයක මිල රුපියල් 2.00 කින් අඩු කිරීමට රජය තීරණය කර ඇත.
ඒ අනුව රුපියල් 125 කට අලෙවි කෙරුනු ඔක්ටේන් 92 වර්ගයේ පෙට්‍රල් ලීටරයක නව මිල රුපියල් 123ක් ද, රුපියල් 149 කට අලෙවි වූ ඔක්ටේන් 95 වර්ගයේ පෙට්‍රල් ලීටරයක නව මිල රුපියල් 147ක් වන අතර යුරෝ 4 විමෝචන ප්‍රමිතිකරණය යටතේ වන සුපිරි ඩීසල් ලීටරයක මිල රුපියල් 3.00 කින්ද අඩු කිරීමට රජය තීරණය කර ඇති බව මුදල් අමාත්‍යංශය සඳහන් කරයි.
ඔටෝ ඩිසල් ලිටරයක මිල රුපියල් 101 සිට රුපියල් 99ක් දක්වාද, සුපර් ඩිසල් ලීටරයක මිල රුපියල් 121 සිට රුපියල් 118 දක්වා පහත දමා ඇත. කෙසේ වෙතත් පසුගිය දින කිහිපය තුළදී බොරතෙල් බැරලයක මිල ගණන් අඩු මට්ටමක පැවතියද ඊයේ (10) දින වනවිට බොරතෙල් බැරලයක මිල ඇ.ඩො. 59 ඉක්මවා ගොස් ඇති බව මුදල් අමාත්‍යංශය සඳහන් කරයි.
