ප්‍රදේශ දෙකකදී විදේශිකයන් දෙදෙනෙකු දියේ ගිලි මරුට..
දියේ ගිලීම නිසා වෙන්නප්පුව සහ මාතර යන ප්‍රදේශ වලදී විදේශිකයන් දෙදෙනෙකු මියගොස් ඇති බව වාර්තා වේ. වෙන්නප්පුවේදී සහ මාතරදී අදාළ විදේශිකයින් දෙදෙනා මියගොස් ඇති බව පොලිස් ආරංචි මාර්ග අනාවරණය කර සිටියි. වෙන්නප්පුව, වේලක්කන්නි පල්ලිය අසල මුහුදේ දිය නාමින් සිටි 28 හැවිරිදි ජර්මන් ජාතිකයෙකු දියේ ගිලී ජීවිතක්ෂයට පත්ව ඇති බව පොලිසිය පවසයි. මාතර, මඩිහ ප්‍රදේශයේ මුහුදේ රළ මත ලිස්සායාමේ ක්‍රිඩාවේ නිරතව සිටියදී අනෙක් විදේශිකයා මියගොස් ඇත. 39 හැවිරිදි බ්‍රිතාන්‍ය ජාතිකයකු මෙසේ මියගොස් ඇති අතර පොලිසිය විසින් වැඩිදුරටත් පරීක්ෂණ කටයුතු සිදුකරනු ලබයි.
