කැළණි පාලම වසයි…
අධිබලැති විදුලි රැහැන් එළිමක් හේතුවෙන් නව කැලණි පාලමේ පිවිසුමේ සිට කැලණි තිස්ස වටරවුම දක්වා මාර්ගයේ රථ වාහන ගමනාගමනය අද (15) දිනයේදී සීමා කරන බව පොලීසිය සඳහන් කරයි. අද උදෑසන 8 සිට සවස 5 දක්වා මෙසේ වාහන ධාවනය වසා තබන අතර එම කාලය තුළ අධිවේගී මාර්ගයේ කොළඹ ධාවනය කරන සියලු බර වාහන පිටවීම සඳහා පෑලියගොඩ අන්තර් හුවමාරුව භාවිතා කරන ලෙසට පොලීසිය රියදුරන්ගෙන් ඉල්ලීමක් කර ඇත.