මහින්දගේ පෙත්සම පෙබරවාරි 06 කැදවයි..
අග්රාමාත්ය ධූරයේ සහ අමාත්ය ධූරයන්හි කටයුතු කිරීම වළක්වමින් නිකුත් කරන ලද අතුරු තහනම් නියෝගය ඉවත් කරන්නැයි ඉල්ලා වත්මන් විපක්ෂ නායක මහින්ද රාජපක්ෂ මහතා ඇතුළු පිරිසක් විසින් ඉදිරිපත් කරන ලද අභියාචනා පෙත්සම් ලබන පෙබරවාරි 06 වනදා යළි කැදවන්නැයි ශ්රේෂ්ඨාධිකරණය විසින් අද (16) නියෝග කරන ලදී. එක්සත් ජාතික පක්ෂය, ජනතා විමුක්ති පෙරමුණ ,දෙමළ ජාතික සන්ධානය, ශ්රී ලංකා මුස්ලිම් කොංග්රසය සහ ශ්රී ලංකා මහජන කොංග්රසය යන පක්ෂ වගඋත්තරකරුවන් ලෙස නම් කරමින් ඉදිරිපත් කරන ලද අදාළ අභියාචනා ත්රිපුද්ගල විනිසුරු මඩුල්ලක් හමුවේ අද විභාගයට ගන්නා ලද අවස්ථාවේ මෙම නියෝග ලබාදෙන ලදී.