මහජන සෞඛ්‍ය පරික්ෂකවරුන් ලෙඩ වෙයි..
ඉල්ලීම් කිහිපයක් මුල්කරගනිමින් දිවයිනපුරා මහජන සෞඛ්‍ය පරික්ෂකවරුන් අසනීප නිවාඩු වාර්තා කිරීමේ වෘත්තීය ක්‍රියාමාර්ගයක් ආරම්භ කර ඇත. මේ හේතුවෙන් පළාත් පාලන ආයතනවල සෞඛ්‍ය ක්ෂේත්‍රයේ රාජකාරි රැසකටම දැඩි බාධා එල්ල වී ඇති බව වාර්තා වේ. ප්‍රජා වෛද්‍ය විශේෂඥ නමින් වෛද්‍යවරයෙකු පත් කිරීමේ තීරණය ක්‍රියාත්මක නොකරන්නැයි සෞඛ්‍ය අමාත්‍යංශයේ ලේකම්වරිය දැනුවත්කළ නමුත් මේ දක්වා ඒ සම්බන්ධයෙන් කිසදු ප්‍රතිචාරයක් නොදැක්වූ බැවින් මෙම වෘත්තීය ක්‍රියාමාර්ගය දියත් කිරීමට ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය තීරණය කර ඇත. කෙසේ වෙතත් අදාළ ඉල්ලීම ඇතුළු අනෙකුත් වෘත්තීය ඉල්ලීම් සම්බන්ධයෙන් නිසි ප්‍රතිචාරයක් නොදැක්වුවහොත් වැඩ වර්ජනයක් දියත් කරන බවද එම සංගමය අනතුරු අගවා සිටියි.
