නගරාන්තර සීඝ්රගාමී දුම්රියේ මැදිරි 02 ක් ගැලවෙයි..
අද (23) උදෑසන කාලයේ රජරට දුම්රිය මාර්ගයේ තලාව සහ ශ්රාවස්තිපුර අතරදී ධාවනය වෙමින් පැවති දුම්රියක මැදිරි දෙකක් දුම්රියෙන් වෙන්වී ගොස් ඇති බව වාර්තා වේ. අද (23) අලුයම 5.45 ට වව්නියාවෙන් ගමන් ආරම්භ කර කොළඹ බලා ධාවනය වෙමින් පැවති නගරාන්තර සීඝ්රගාමී දුම්රියේ මැදිරි 02 ක් මෙසේ වෙන්ව ගොස් තිබේ. නමුත් මෙම සිදුවීම නිසා කිසිවෙකුට අනතුරක් සිදුව නොමැති අතර දුම්රිය මැදිරි යථා තත්ත්වයට පත්කර කොළඹ දක්වා ධාවනය කිරීමට කටයුතු යොදා ඇති බව එම ආරංචි මාර්ග අනාවරණය කර සිටියි.