කිරලාගල ඉපැරණි පුරාවිද්යා භූමියට අනවසරයෙන් ඇතුල් වු සිසුන් අටදෙනා අත්අඩංගුවට ..
හොරොව්පොතාන කිරලාගල ඉපැරණි පුරාවිද්යා භූමියට අනවසරයෙන් ඇතුළු වී චෛත්යක් මතට නැග ඡායාරූප ගෙන සමාජ ජාල වෙබ් අඩවිවලට මුදා හළ තරුණයන් 8 දෙනෙකු අම්පාර සහ අක්කරෙයිපත්තු ප්රදේශයේදී අද (23) සවස අත්අඩංගුවට ගත් බව හොරොව්පොතාන පොලිසිය පවසයි.මෙලෙස අත්අඩංගුවට ගෙන ඇත්තේ අම්පාර ඔලුවිල් අග්නිදිග විශ්ව විද්යාලයේ ඉංජිනේරු පීඨයේ අවසන් වසරේ ඉගෙනුම ලබමින් සිටි සිසුන් 8 දෙනෙක් වේ. ඔවුන් කල්මුණේ, ගම්පොල ,කුලියාපිටිය, හොරොව්පොතාන, පුත්තලම, එරාවුර්, ඔට්ටමාවඩිව් යන ප්රදේශවල පදිංචිකරුවන් බව අනාවරණය වේ. පුරාවිද්යා දෙපාර්තමේන්තුවට අයත් හොරොව්පොතාන කිරලාගල පිහිටි ඉපැරැණි නටඹුන් සහිත පුරාවිද්යා භූමියට අනවසරයෙන් ඇතුළු වී චෛත්යය මතට නැග තරුණයන් දෙදෙනකු විසින් ඡායාරූප ගෙන සමාජ ජාල වෙබ් අඩවි වලට මුදා හැර ඇති බවත් ඒ සම්බන්ධයෙන් පරීක්ෂණයක් පවත්වන ලෙසත් ඉල්ලා කිරලාගල කලාප භාර පුරාවිද්යා නිලධාරි සුමිත් බංඩාර රත්නායක මහතා හොරොව්පොතාන පොලිසියට පැමිණිලි කර තිබු අතර ඒ අනුව ක්රියාත්මක වූ හොරොව්පොතාන පොලිසියේ ස්ථානාධිපති පොලිස් පරීක්ෂක රොෂාන් සංජීව මහතා එම පැමිණිල්ලට අදාළ මූලික පරීක්ෂණ ආරම්භ කළ අතර එහිදී අනාවරණය කර ගැනීමට හැකි වූයේ මෙම සිද්ධියට සැකකරුවන් 8 දෙනෙකු සම්බන්ධ බවත් ඔවුන් අම්පාර ඔලුවිල් අග්නිදිග විශ්වවිද්යාලයේ ඉංජිනේරු පීඨයේ අවසන් වසරේ ඉගෙනුම ලබන සිසුන් බවය.