ගිනි අවි සමග ප්රදේශ දෙකකදී සැකකරුවන් දෙදෙනෙක් පොලිස් දැලේ..
විදේශීය රටක නිෂ්පාදනය කරන ලද රිවෝලරයක් සහ උණ්ඩ තොගයක් සමඟ සැකකරුවෙකු අත්අඩංගුවට ගත් ගැනීමට තංගල්ල පොලිස් ස්ථානයේ නිලධාරීන්ට හැකිවී තිබේ. තංගල්ල, කුඩාවැල්ල ප්රදේශයේදී අදාළ සැකකරු අත්අඩංගුවට පත්ව ඇත. සැකකරු අද (28) තංගල්ල මහේස්ත්රාත් අධිකරණයට ඉදිරිපත් කිරිමට නියමිතව ඇති අතර තංගල්ල පොලීසිය විසින් වැඩිදුර පරීක්ෂණ කටයුතු සිදුකරනු ලබයි. මේ අතර කරුවලගස්වැව, මී ඔය රක්ෂිතයේදී බලපත්ර රහිත බෝර 12 ගිනි අවියක් සහ ජීව පතොරම් 05 ක් සමග සැකකරුවෙකු ඊයේ (27) රාත්රී කාලයේදී අත්අඩංගුවට ගත් බව පොලිස් විශේෂ කාර්ය බලකාය අනාවරණය කර සිටියි. අත්අඩංගුවට ගන්නා ලද සැකකරු පුත්තලම පොලීසියට භාරදී තිබේ. අදාළ සැකකාර පුද්ගලයා පුත්තලම අධිකරණයට ඉදිරිපත් කිරීමට නියමිතව ඇති අතර පුත්තලම පොලිසිය විසින් වැඩිදුර විමර්ශණ කටයුතු සිදුකරනු ලබයි.