අද සහ හෙට මුහුද ආශ්‍රිත ප‍්‍රදේශයන්හි සුළගේ වේගය ඉහළ යා හැකියි – කාලගුණ විද්‍යා දෙපාර්තමේන්තුව
අද (29) සහ හෙට (30) යන දිනයන් තුළ රට වටා මුහුද ආශ්‍රිත ප‍්‍රදේශයන්හි සුළගේ වේගය ඉහළ යනු ඇතැයි කාලගුණ විද්‍යා දෙපාර්තමේන්තුව අවධාරණය කර සිටියි. ඒ අනුව සුළගේ වේගය පැයට කිලෝමීටර් 50 ක් දක්වා වැඩිවනු ඇති බවත් රට වටා හමායන සුළගේ වේගය ද පැයට කිලෝමීටර් 40 ක් තෙක් වැඩිවනු ඇති බවත් කාලගුණ විද්‍යා දෙපාර්තමේන්තුව වැඩිදුරටත් පවසා සිටියි. ඉදිරියටත් රටතුළ වැසි රහිත කාලගුණයක් පවතිනු ඇති බවත් සබරගමුව, බස්නාහිර සහ මධ්‍යම පළාතේ ඇතැම් ප‍්‍රදේශවල උදෑසන කාලය තුළ මීදුම් තත්වයක් පවතිනු ඇති බවත් කාලගුණ විද්‍යා දෙපාර්තමේන්තු ආරංචි මාර්ග තවදුරටත් අනාවරණය කරයි.
