වී කිලෝවක මිල මෙන් දෙගුණයක මිලට සහල් කිලෝවක් දෙන්න වී මෝල් හිමියන් එකඟවෙයි..
වී කිලෝවක් මිලදී ගන්නා මිල මෙන් දෙගුණයක මිලක් සහල් කිලෝවකට අයකර ගැනීම සදහා වී මෝල් හිමියන් සිය එකඟතාවය පළ කර ඇති බව වාර්තා වේ. කෘෂිකර්ම අමාත්‍ය පී. හැරිසන් මහතාගේ ප්‍රධානත්වයෙන් පැවති සාකච්ඡාවකදී මෙරට තුළ ක්‍රියාත්මක ඉහළ පෙළේ සහ කුඩා වී මෝල් හිමියන් මෙම එකගතාවයට පැමිණි බව කෘෂිකර්ම අමාත්‍යාංශය අනාවරණය කර සිටියි.
ලබන අප්‍රියෙල් මස සිට මෙම තීරණය ක්‍රියාත්මක කිරීමට එම වී මෝල් හිමියන් සිය එකගගතාවය පළකර ඇති අතර ව්‍යාපාරිකයා මෙන්ම පාරිභෝගිකයා සුරැකීම අරමුණු කරගනිමින් මෙම තීරණය ගෙන ඇත. අදාළ එකගතාවයට අනුව සම්බා කිලෝ එකක් රු.41 කට ද, නාඩු කිලෝ එකක් රු.38 කට ද මිලදී ගැනීමට නියමිතව ඇති අතර එළඹෙන නව අවුරුදු උත්සව සමයේදී සම්බා කිලෝ එකක මිල රු.85 ක උපරිම සිල්ලර මිලකට යටත්ව පාරිභෝගිකයාට ලබාදීමට සහල් සමාගම් විසින් කටයුතු කරනු ඇත.
