රජයේ මුදල් සාවද්‍ය ලෙස පරිහරණය කිරීම, හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් මහතාට එරෙහිව නඩුව කල්යයි..
රජයේ මුදල් සාවද්‍ය ලෙස පරිහරණය කළ බවට චෝදනා කරමින් හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් මහතාට එරෙහිව පනවා ඇති නඩුව ලබන 05 වනදා තෙක් කල්දැමීමට අධිකරණය විසින් අද (01) නියෝග කරන ලදී. පොදු දේපොළ පනත යටතේ, නීතිපතිවරයා විසින් පවරා ඇති අදාළ නඩුව විභාගයට ගනිමින් කොළඹ ත්‍රිපුද්ගල විශේෂ මහාධිකරණය විසින් මෙම නියෝගය ලබාදෙන ලදී. ලිට්‍රෝ ගෑස් සමාගමට අයත් රුපියල් මිලියන 500 ක මුදලක් සාවද්‍ය ලෙස පරිහරණය කරන ලද බවට චෝදනා කරමින් ගාමිණී සෙනරත් මහතා ඇතුළු සිව්දෙනෙකුට එරෙහිව මෙම නඩුව පවරා ඇත.
