රේගු වර්ජනය තවදුරටත්, පිටකොටුවේ තොග වෙළදසැල් වැසෙයි.
රේගු අධ්‍යක්ෂ ජනරාල් ධූරය සම්බන්ධයෙන් උද්ගතව ඇති ගැටළුවට වහාම විසදුම් ලබාදෙන ලෙස ඉල්ලා රේගු නිලධාරීන් විසින් දියත් කරඇති වර්ජනය අද (07) දිනයේදීත් ක්‍රියාත්මක වන අතර මෙම තත්ත්වය හමුවේ අද දිනය තුළ කොළඹ, අත්‍යවශ්‍ය ආහාර ද්‍රව්‍ අලෙවිකරන තොග වෙළෙඳසැල් වසාදැමීමට ද එම වෙළදසැල් හිමියන් තීරණය කර ඇතැයි වාර්තා වේ. අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමය සහ තොග වෙළෙඳුන්ගේ සංගමය අවධාරණය කර සිටින්නේ රේගු නිලධාරීන්ගේ වර්ජනය තුළින් තමන් දැඩි අපහසුතාවට පත්ව සිටින බවයි.
