මරදාන ගුවන් පාලමේ ගැටුනු ජිප් රථයේ ගංජා කිලෝ 68 ක්, රථයේ සිටි පිරිස පලා යයි..
මරදාන පොලිස්ථානයේ නිලධාරීන් හට අද (14) අළුයම් කාලයේදී කේරළ ගංජා කිලෝ 68 ක් සොයාගැනීමට හැකිවී ඇති බව වාර්තා වේ. අද අළුයම 4.00 ට පමණ මරදාන ප්‍රදේශයේ ගුවන් පාලමක සුඛෝපභෝගී ජීප් රථයක් ගැටී ඇති අතර පොලිස් නිලධාරීන් විසින් එය පරීක්ෂා කිරීමේදී මෙම කේරළ ගංජා තොගය සොයාගෙන ඇත. පොලිස් නිලධාරීන් අදාළ ජීප් රථය පරීක්ෂා කිරීමට යාමේදී ඒ තුළ සිටි පුද්ගලයින් පලා ගොස් ඇත. මරදාන පොලීසිය විසින් වැඩිදුර පරීක්ෂණ කටයුතු සිදුකරනු ලබයි.
