ලක්ෂ 06 ක විදෙස් මත්පැන් තොගයක් සමග සැකකරුවෙකු දැලේ..
විදේශීය මත්පැන් බෝතල් 111ක් සමග සැකකරුවෙකු අත්අඩංගුවට ගැනීමට සුරාබදු දෙපාර්තමේන්තුවේ නිලධාරීන් හැකිවී තිබේ. මාරවිල ප්‍රදේශයේදී කරන ලද වැටලීමකදී අත්අඩංගුවට ගත් මෙම විදෙස් මත්පැන් තොගයේ වටිනාකම රුපියල් ලක්ෂ 06 කට ආසන්න බව සුරාබදු දෙපාර්තමේන්තුව අනාවරණය කර සිටියි. අදාළ මත්පැන් තොගය ඉතාලියේ සිට මෙරටට ගෙන්වා ඇති අතර අත්අඩංගුවට පත් සැකකරු මාරවිල ප්‍රදේශයේම පදිංචි 45 හැවිරිදි අයෙකි. අදාළ සැකකරු සහ විදෙස් මත්පැන් තොඟය අද (15) මාරවිල දිසා අධිකරණයට ඉදිරිපත් කිරීමට නියමිතව ඇත.
