නවක වද සිද්ධියක් මුල්කරගනිමින් සබරගමුව විශ්ව විද්‍යාලයේ සිසුන් 54 කට පන්ති තහනම්..
සබරගමුව විශ්ව විද්‍යාලයේ සිසු සිසුවියන් කෘෂි විද්‍යා පීඨයේ දෙවන වසරේ සිසු සිසුවියන් 54 දෙනෙකුට සති දෙකක කාලයක් පන්ති තහනමක් පනවා ඇති බව වාර්තා වේ. අදාළ පීඨයේ පීඨාධිපතිවරයා වෙත වරින් වර ලැබුනු පැමිණිලි සම්බන්ධයෙන් අවධානය යොමුකරමින් මෙම තීරණයට එළඹි බව විශ්ව විද්‍යාල ආරංචි මාර්ග අනාවරණය කර සිටියි. නවක වදය ලබාදීමේ සිද්ධියක් මුල්කරගනිමින් මෙම පන්ති තහනම පනවා ඇති අතර සබරගමුව විශ්ව විද්‍යාලයේ මහා ශිෂ්‍ය සංගමය අවධාරණය කර සිටින්නේ නවක වධ සිද්ධීන් මුවාවෙන් පාලානාධිකාරිය ශිෂ්‍ය මර්දනයක යෙදී සිටින බවයි.
