තණමල්විල වෙඩි තැබීම, සැකකරුවන් තිදෙනෙකු අත්අඩංගුවට..
පසුගිය 10 වන දා තණමල්විලදී සිදුවු වෙඩි තැබීමේ සිදුවීම සම්බන්ධයෙන් සැකකරුවන් තිදෙනෙකු අත්අඩංගුවට ගත් බව පොලිස් ආරංචි මාර්ග පවසා සිටියි. තණමල්විල පොලිස්ථානයේ නිලධාරීන් විසින් අද (16) අළුයම මෙම සැකකරුවන් අත්අඩංගුවට ගෙන තිබේ. යතුරුපැදි දෙකකින් පැමිණි පුද්ගලයින් සිව්දෙනෙකු විසින් තණමල්විල නගරයේදී මෙම වෙඩිතැබීම සිදුකරන ලද අතර ඉන් එක් අයෙකු මියගොස් තවත් අයෙකු බරපතල තුවාල ලැබීය.
අද අළුයම අත්අඩංගුවට ගන්නා ලද සැකකරුවන් තිදෙනා සමඟ වෙඩි තැබීමට භාවිතා කරන ලද ගිනි අවි 3 ක් හා යතුරුපැදි 2 ද සොයාගැනීමට හැකිවී තිබේ. සැකකරුවන් අද (16) වැල්ලවාය ගරු මහේස්ත්රාත් අධිකරණයට ඉදිරිපත් කිරීමට නියමිතව ඇත.