රජයේ මුදල් සාාවද්‍ය ලෙස පරිහරණය කරමින් ඩී. ඒ. රාජපක්ෂ කෞතුකාගාරය ඉදිකිරීම, ගෝඨාභයට එරෙහි නඩුව කල්යයි..
හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව රාජ්‍ය මුදල් සාවද්‍ය ලෙස පරිහරණය කළ බවට චෝදනා කරමින් ගොනු කර ඇති නඩුව ලබන මාර්තු මස 01 වනදා තෙක් කල්දැමීමට කොළඹ ත්‍රිපුද්ගල විශේෂ මහාධිකරණය විසින් තීරණය කරන ලදී. පසුගිය මහින්ද රාජපක්ෂ රජය සමයේ මැදමූලන ප්‍රදේශයේ ඩී. ඒ. රාජපක්ෂ අනුස්මරණ කෞතුකාගාරය ඉදිකිරීමට ඉඩම් ගොඩ කිරිමේ හා සංවර්ධනය කිරීමේ සංස්ථාවට අයත් රුපියල් මිලියන 33.9 ක මුදලක් සාවද්‍ය පරිහරණය කළ බවට චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු පුද්ගලයින් හත් දෙනෙකුට එරෙහිව මෙම නඩුව ගොනු කර ඇත. පොදු දේපල පනත යටතේ නීතිපතිවරයා මෙම නඩුව පවරා ඇති අතර අද (22) දින කොළඹ ත්‍රිපුද්ගල විශේෂ මහාධිකරණය හමුවේ විභාගයට ගන්නා ලදී.
