අයවැය අද පාර්ලිමේන්තුවට..
2019 වසරට අදාළ අයවැය අද (05) පාර්ලිමේන්තුවට ඉදිරිපත් කිරීමට නියමිතව ඇත. අයවැය කතාව අද පස්වරු 02.00 ට මුදල් අමාත්ය මංගල සමරවීර විසින් සිදුකරනු ඇති අතර අද ඉදිරිපත් කරනු ලබන අයවැය නිදහසින් පසු මෙරට 73 වන අයවැයයි. අයවැය යෝජනාවට අනුව 2019 වසරේ රජයේ වියදම රුපියල් බිලියන 4550 ක් වන අතර අපේක්ෂිත රාජ්ය අදායම රුපියල් බිලියන 2400 ක් වේ. ඒ අනුව අයවැය පරතරය රුපියල් බිලියන 2050 ක් වනු ඇත. හෙට (06) සිට අයවැය දෙවනවර කියවීමේ විවාදය ආරම්භ වී දින 6 ක් පුරා එම විවාදය පැවැත්වෙනු ඇත. අයවැය දෙවනවර කියවීමේ ඡන්ද විමසීම ලබන 12 වැනිදා පස්වරුවේ සිදුකරන අතර අයවැය තුන්වන වර කියවීම හෙවත් කාරක සභා අවස්ථාවේ විවාදය ලබන 13 වැනිදා සිට ලබන අපේ්රල් මස 05 වැනිදා දක්වා තෙක් සිදුකෙරේ. ඒ අනුව අපේ්රල් මස 05 වැනිදා පස්වරු 5.00 ට අයවැය තුන්වනවර කියවීමේ ඡන්ද විමසීම පැවැත්වෙනු ඇත.