දිවයිනේ පළාත් කිහිපයකට දැඩි උණුසුම් කාලගුණ තත්ත්වයක් ..
දිවයිනේ පළාත් කිහිපයකට අද (07) දිනය තුළ උණුසුම් කාලගුණ තත්ත්වයක් අපේක්ෂා කරන බව කාලගුණ විද්‍යා දෙපාර්තමේන්තුව පවසයි.එම දෙපාර්තමේන්තුව පෙන්වා දෙන්නේ උතුරු, උතුරුමැද , නැගෙනහිර සහ පුත්තලම දිස්ත්‍රිකයේ බොහෝ ස්ථානවල උණුසුම් කාලගුණය පිළිබඳ වැඩි අවධානය යොමු කළ යුතු බව එම දෙපාර්තම්න්තුව පවසයි. උණුසුම් කාලගුණ තත්ත්වය හේතුවෙන් විජලනය, මස්පිඬු පෙරළීම, අධික මහන්සිය මෙන්ම ආගාත තත්ත්වයන් ඇතිවීමේ අවධානමක් ද පවතියි. එම නිසා ප්‍රමාණවත් ලෙස ජලය පාලන කිරීම, සෙවණ ඇති ස්ථානවල විවේක ගැනීම, අධික වෙහෙසකාරී කටයුතු සීමා කිරීම වැනි දෑ සිදු කළ යුතු බව කාලගුණ විද්‍යා දෙපාර්තමේන්තුව පෙන්වා දෙයි
