යල කන්නයේ සිට වී මිල ඉහළට – අමාත්ය පී.හැරිසන්
දැනට පවතින වී මිල සම්බන්ධයෙන් තමන් සෑහිමකට පත් නොවන අතර යල කන්නයේ සිට වී මිල ඉහල දැමීමට තීරණය කරන බව කෘෂිකර්ම, ග්රාමීය ආර්ථික කටයුතු, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් අමාත්ය පී.හැරිසන් මහතා සදහන් කරයි. බස්නාහිර පළාත් ගොවිජන අබිමන් සම්මාන උළෙලට සහභාගී වෙමින් අමාත්යවරයා මේ බව සඳහන් කර ඇත. ඒ අනුව දැනට නාඩු කිලෝවක මිල රුපියල් 38 ක් වන අතර එය 40 දක්වා වැඩි කිරීමටත්, රුපියල් 41 ක් වන සම්බා කිලෝවක මිල රුපියල් 43 දක්වාත් වැඩි කිරීමට නියමිතය. වී මිලට සමගාමීව අප්රේල් මාසයේ සිට සහල් මිලද වැඩි කරන බව අමාත්යවරයා සඳහන් කළේය.