හිටපු නාවික හමුදාපති අද්මිරාල් වසන්ත කරන්නාගොඩ CID යට..
තරුණයින් 11 දෙනෙකු පැහැරගෙන ගොස් අතුරුදන් කිරීමේ සිද්ධියක් සම්බන්ධයෙන් ප්‍රකාශයක් ලබාදීම සදහා හිටපු නාවික හමුදාපති අද්මිරාල් වසන්ත කරන්නාගොඩ මහතා මීට සුළු වේලාවකට පෙර අපරාධ පරික්ෂණ දෙපාර්තමේන්තුවට පැමිණ ඇති බව වාර්තා වේ. ඉහත තරුණයින් පැහැරගැනීමේ සිද්ධිය සම්බන්ධයෙන් අපරාධ පරික්ෂණ දෙපාර්තමේන්තුව විසින් පරීක්ෂණ සිදුකරනු ලබන අතර තමන් අත්අඩංගුවට ගැනීමෙන් වළක්වන නියෝගයක් නිකුත් කරන්නැයි ඉල්ලා වසන්ත කරන්නාගොඩ මහතා මූලික අයිතිවාසිකම් පෙත්සමක් ඉදිරිපත් කරන ලද අතර එය සලකා බැලූ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල, හිටපු නාවික හමුදාපති අද්මිරාල් වසන්ත කරන්නාගොඩ මහතා අත්අඩංගුවට ගැනීමක් හෝ රඳවා ගැනීමක් සිදු නොකරන්නැයි අපරාධ පරික්ෂණ දෙපාර්තමේන්තුව වෙත තහනම් නියෝගයක් නිකුත් කරන ලදී.
