අවශ්‍ය වාර්තා සහ ලේඛන දුන්නොත් අර්ජුන් මහේන්ද්‍රන් පිටුවහල් කළහැකියි – සිංගප්පුරු රජය
ශ්රී ලංකා රජය විසින් අවශ්‍ය වාර්තා සහ ලේඛන ලබාදෙන්නේ නම් මෙරට හිටපු මහ බැංකු අධිපති අර්ජුන් මහේන්ද්‍රන් මහතා රටින් පිටුවහල් කිරීමට හැකි බව සිංගප්පුරු රජය අවධාරණය කර සිටියි. ශ්රී ලංකාව ඇතුළු පොදු රාජ්‍ය මණ්ඩලීය රටවල්වලට අවශ්‍ය වන වරදකරුවන් රටින් පිටුවහල් කිරීමට තම රජය නීතියෙන් බැඳී සිටින බව ද සිංගප්පූරු රජය වැඩිදුරටත් පවසා ඇත. කෙසේ වෙතත් ශ්රී ලංකා ජනාධිපති මෛතී‍්‍රපාල සිරිසේන මහතා පසුගිය දිනෙක පවසා සිටියේ හිටපු මහ බැංකු අධිපති අර්ජුන් මහේන්ද්‍රන් මහතා ශ්රී ලංකාවට ගෙන්වා ගැනීම සම්බන්ධයෙන් සිංගප්පූරු රජය මේ දක්වා නිසි සහයක් ලබා දී නොමැති බවයි.
