මෙරට මාධ්ය තුළ පළවන, හිටපු මහ බැංකු අධිපති අර්ජුන් ගැන සිංගප්පුරු රජය සිදුකර ඇති ප්රකාශ පිළිගත නොහැකියි – ජනාධිපති මාධ්ය අංශය
මෙරට තුළ මහත් ආන්දෝලනයකට ලක්ව තිබෙන මහ බැංකු බැදුම්කර වංචාව සම්බන්ධයෙන් චෝදනා එල්ලවී ඇති හිටපු මහ බැංකු අධිපති අර්ජුන මහේන්ද්රන් පිළිබදව සිංගප්පුරු රජය විසින් සිදුකරන ලද බවට මෙරට මාධ්ය තුළ පළවන වාර්තා පිළිගත නොහැකි බව ජනාධිපති මාධ්ය අංශය අවධාරණය කර සිටියි. සිංගප්පූරුවේ මාධ්ය තුළ පළවූ වාර්තාවක් උපුටාගනිමින් මෙරට මාධ්ය තුළ පළකරන ලද ප්රකාශ සිංගප්පූරු රජය විසින් සිදුකරන ලද නිල ප්රකාශ ලෙස කිසිසේත්ම පිළිගත නොහැකි බව ද මෙරට මාධ්ය විසින් පළ කර ඇති එම වාර්තා සම්පූර්ණයෙන්ම සත්යයෙන් තොර බවත් ජනාධිපති මාධ්ය අංශය තවදුරටත් පවසා සිටියි. හිටපු මහ බැංකු අධිපති අර්ජුන මහේන්ද්රන් මහතා මෙරටට ගෙන්වා ගැනීම සදහා සිංගප්පූරු රජයෙන් ඉල්ලීම් කිරීමට ශ්රී ලංකාව ප්රමාද කර ඇත්තේ ඊට අවශ්ය තොරතුරු ලබා දීමට ශ්රී ලංකා බලධාරීන් කටයුතු නොකීරීම බව සිංගප්පුරු විදේශ කටයුතු අමාත්යාංශය විසින් පසුවගියද ප්රකාශයක් නිකුත් කර තිබුනි.